LAN eginez IKASI baina ez lan egin ikasiz
Lanbide Heziketa Dualak ikaskuntza prozesuak konbinatzen ditu enpresa eta ikastetxeetan, batzuen eta besteen arteko lankidetzaren bitartez.
Ikasleek enpresan egingo duten formakuntzak lotura estua izan behar du heziketa zikloko lanbide profilarekin eta programatutako espezializazioekin. Horrenbestez, enpresan egindako lan horiek, produkzio emaitza ez ezik, ikaskuntza bera ahalbidetu behar dute, bai eta, azken finean, lanari dagozkion gaitasunak, espezializazioari dagozkionak, eta enplegagarritasuna hobetzeko bestelako zeharkako gaitasun erabilgarri batzuk eskuratu ahal izatea ere.
LH DUAL Intentsiboa
Lanbide Heziketa Dual Intentsiboaren helburua Lanbide Heziketako titulu bat lortzeko aukera ematea da, ikastetxeen eta enpresen artean lankidetzan garatzen den ikaskuntza prozesu baten bitartez.
LH Dual Intentsiboak gazteak lan merkatuan sartzeko bidea erraztea bilatzen du, horretarako kalitateko enpleguak sustatuz. Produktu eta ekoizpen prozesuaren ordez langilearen kualifikazioa eta gaitasunari lehentasuna ematen die.
LH DUAL Intentsiboaren abantailak
Enpresentzat
- Langile kualifikatuak, Euskal Herriko enpresen ekoizpen sarearen premietara egokitutakoak eta enpresetako prozesuetan eta kulturan ikasitakoak prestatzen ditu. Horrek enpresen lehiakortasuna areagotzen du.
- Enpresak programaren bidez pertsonak ezagutu eta hezitzeko sistema bat du.
- Esperientzia honek enpresako belaunaldi erreleboa errazten du.
Ikasleentzat
- Ikasleek benetako lan egoeretan dute ikasten eta lan esperientzia handia lortzen.
- Egindako lanaldiarekiko proportzionala den ordainsaria jasotzen dute, kontratuaren edo hitzarmenaren arabera, eta Gizarte Segurantzan kotizatuz hasten dute bere lan bizitza.
- Enplegagarritasuna hobetzen du.
Ikastetxeentzat
- Lan merkatuak behar dituen beharrei aurre egiteko informazio ezin hobea lortzen du.
- Enpresen eta ikastetxeen arteko loturak estutzen ditu.
- Enpresen ESK (Erantzun Sozial Korporatibo) politikak laguntzen ditu.
LH DUAL Orokorra
- 1.Mailako ikasleak enpresako prestakuntza dualean sartzea.
- Lanbide Heziketako ikasleen gaitasunak hobetzea, enpresako prestakuntza orduak handituz.
- Enplegagarritasuna handitzea, lan ingurunean esperientzia eta prestakuntza maila handiagoa egiaztatzen denean.
- Eredu dual horretarako sarbidea erraztea mikroenpresei, saltoki txikiei, hurbileko saltokiei eta autonomoei.
- Enpresako prestakuntza dualean parte hartzen duten ikasleen kopurua handitzea.
LH Dual Orokorraren ezaugarriak
- Oro har, heziketa ziklo osoa iraungo du, eta heziketa zikloaren bi ikasturteak hartuko ditu, 1. mailan hasita.
- Ibilbide berri honetan, enpresako ordu kopuruak gora egin du, aurreko ereduekin alderatuta. Horiek guztiek curriculum izaera izango dute.
- 128 orduak, 112 ordu ikasle adingabeentzat, Enpresan edo Erakunde Parekidean prestatzeko, 1. ikasturtean egiten direnak, Curriculum karakterra dutenez, ez dira ordainduko.
- Lehenengo ikasturtea amaituta, ikasleak aukera desberdinak izango ditu 2. urtea egiteko:
- Ikasleak irailetik joango dira Lanbide Heziketako ikastetxera, eta 2. mailako Prestakuntza Dual Orokorra egingo dute. Prestakuntza horrek 60 eguneko iraupena izango du enpresan edo erakunde parekatuan, eta 8 orduko dedikazioarekin edo 7 orduko dedikazioarekin ikasle adingabeen kasuan.Ikasleek Ikas ekinezko erregimeneko Lanbide Heziketa Duala Euskal Autonomia Erkidegoan ezartzen duen ekainaren 2ko 83/2015 Dekretuan ezarritako baldintzak betetzen dituzte prestakuntza dual intentsiboa egiteko, eta prestakuntza eta ikaskuntza kontratu bat edo beka bat dute. Kasu horretan, 2. ikasturte osoan, enpresako edo erakunde parekatuko prestakuntza eta Lanbide Heziketako ikastetxeko prestakuntza txandakatuko dira, kasu bakoitzean ezarritako programan oinarrituta.
