Pasa den astean, Europa mailan dugun #EurocomSmart sareko kideen bisita izan genuen. Herrialde desberdinetatik etorritako 19 irakasle jaso genituen gure herri eta ikastetxean praktika onak eta gure harremanak sendotzeko asmoz. Danimarka, Belgika, Holanda, Grezia, Alemania eta Finlandiatik etorri ziren eta burututako ekintzen artean AitaMenni ospitala, EgoGain eguneko zentroa, Bizilore eskola aktiboa eta Elgoibar Ikastola bisitatu zituzten.
Honetaz gain, gure ikastetxea bisitatzeko eta irakasle eta ikasleekin bizipenak alderatzeko aukera izan zuten baita ere.
Azkenik, Tknika-ra bisita ezin falta eta eguna Donostiatik tour bat eginez bukatu genuen. Internazionalizazioa etxean bizitzeko aukera aparta dudarik gabe!
Hazi, hezi, Mekan ikasi!
